“आयुष्य संपवणं हा समस्येचा मार्ग नाही” – डॉ. पल्लवी मेहरे
प्रतिनिधी – विजय कांबळे
नागरगाव – खरंच, आज माणसाची सहनशीलता कुठेतरी कमी होत चालली आहे. आयुष्यात थोडंसं दुःख, एखादं संकट किंवा एखादी समस्या आली की मन नकारात्मक विचारांनी घेरलं जातं आणि कधी कधी स्वतःला संपवण्याचे विचारही मनात येतात. पण आयुष्य म्हणजे केवळ सुखाचे क्षण नाहीत; संघर्ष, अडचणी, अपयश आणि संकटंही त्याचाच एक भाग आहेत. समस्या आज आहे, उद्या कदाचित नसेल; पण घेतलेला एक चुकीचा निर्णय संपूर्ण आयुष्याची संधी हिरावून घेऊ शकतो.
आपला जन्म काहीतरी अर्थपूर्ण करण्यासाठी झाला आहे. म्हणून संकटांपासून पळण्यापेक्षा त्यांना सामोरं जाण्याची ताकद मनात निर्माण करणं गरजेचं आहे. परिस्थिती कितीही कठीण असली तरी एक वाईट काळ म्हणजे संपूर्ण आयुष्य वाईट नसतं. नकारात्मक विचारांना मनावर राज्य करू न देता, एखाद्या विश्वासू व्यक्तीशी मन मोकळं करणं, मदत मागणं आणि पुन्हा नव्याने उभं राहण्यातच खरी ताकद आहे. आयुष्य अमूल्य आहे, संकटं क्षणभंगुर आहेत; पण जीवनाला पुन्हा एक सुंदर दिशा देण्याची संधी नेहमी असते.
Author: संपादक - रमेश मनोहर बनसोडे
जाहिरात व बातमीसाठी संपर्क -, 9359541560
