राज्यस्तरीय बंजारा आरक्षण परिषद जालना २०२६ मध्ये समाजबांधवांनी मोठ्या संख्येने उपस्थित राहावे – धर्मगुरू आमदार बाबुसिंग महाराज यांचे आवाहन

प्रतिनिधी शाम जगताप

बंजारा समाजाच्या अनुसूचित जमाती (ST) आरक्षणाच्या प्रश्नाला निर्णायक दिशा मिळावी, समाजाच्या न्याय्य हक्कांसाठी एकजुटीने आवाज उठवता यावा, यासाठी आयोजित करण्यात आलेल्या **राज्यस्तरीय बंजारा आरक्षण परिषद जालना २०२६** मध्ये समाजबांधवांनी मोठ्या संख्येने उपस्थित राहावे, असे आवाहन धर्मगुरू आमदार बाबुसिंग महाराज यांनी केले आहे.

दिनांक **१ नोव्हेंबर २०२६** रोजी जालना येथे आयोजित या राज्यस्तरीय परिषदेत बंजारा समाजाच्या एसटी आरक्षणाच्या प्रश्नावर सखोल चर्चा करण्यात येणार आहे. समाजातील अभ्यासक, विचारवंत आणि मान्यवरांच्या माध्यमातून समाजाची भूमिका व आरक्षणासंदर्भातील महत्त्वाच्या बाबी मांडण्यात येणार आहेत.

बंजारा समाजाच्या आरक्षणाचा प्रश्न हा संपूर्ण समाजाच्या भवितव्याशी निगडित आहे. त्यामुळे समाजातील सर्व संत-महंत, धर्मगुरू, सामाजिक संघटना, युवक, महिला आणि समाजबांधवांनी कोणताही भेदभाव न करता एकत्र येऊन या परिषदेला उपस्थित राहावे.

**समाजाच्या न्याय्य हक्कासाठी एकजूट, जागृती आणि सामूहिक प्रयत्नांची आज गरज आहे.**

तरी सर्व समाजबांधवांनी राज्यस्तरीय बंजारा आरक्षण परिषद जालना २०२६ मध्ये मोठ्या संख्येने उपस्थित राहून समाजाच्या आरक्षणाच्या लढ्याला बळ द्यावे, असे आवाहन धर्मगुरू आमदार बाबुसिंग महाराज यांनी केले आहे.

**स्थळ : मातोश्री लॉन्स, जालना**

**दिनांक : १ नोव्हेंबर २०२६**

**नायक बापुरो सपनो अधुरो — चला, तो पूर्ण करण्यासाठी एकत्र येऊया!**