सोन्याचे दागिने व मोटरसायकल चोरीचा प्रकार – शिरूर तालुक्यातील तळईमाळ वडगावरासाई येथे रात्रीची घरफोडी व चोरी
शिरूर तालुका | तळईमाळ वडगावरासाई गावात १२ जुलै २०२५ रोजी एका युवकाच्या राहत्या घरात दिवसाढवळ्या चोरीचा प्रकार उघडकीस आला आहे. प्रसाद दिगंबर ढवळे (वय २२ वर्षे, व्यवसाय – शेती व हॉटेल, रा. तळईमाळ वडगावरासाई) याच्या घरात सकाळी ८:३० ते दुपारी ४:०० च्या दरम्यान अज्ञात चोरट्याने घराचे कुलूप तोडून प्रवेश करत रोकड, सोन्याचे दागिने आणि मोटरसायकल असा एकूण सुमारे अडीच लाखांचा ऐवज लंपास केला आहे.
चोरीस गेलेल्या वस्तूंमध्ये ५५,००० रुपयांची रोकड (५०० रुपयांच्या ११० नोटा), सुमारे १,५०,००० रुपयांचे २.५ तोळ्याचे सोन्याचे गंठण आणि अंदाजे ४५,००० रुपयांची काळ्या व लाल रंगाची होंडा कंपनीची सीडी ११० ड्रीम डिलक्स (एमएच १२ एक्सआर ६६३५) या क्रमांकाची मोटरसायकल यांचा समावेश आहे. चोरट्याने घरासमोर हँडल लॉक करून ठेवलेली मोटरसायकल देखील चोरून नेल्याचे फिर्यादीने नमूद केले आहे.
ही घटना लक्षात येताच प्रसाद ढवळे यांनी तातडीने स्थानिक पोलीस ठाण्यात धाव घेतली. त्यांच्या फिर्यादीवरून अज्ञात चोरट्याविरोधात गुन्हा दाखल करण्यात आला असून, पुढील तपास पोलीस निरीक्षक नकाते यांच्या मार्गदर्शनाखाली पोलीस हवालदार जगताप करत आहेत. प्रभारी अधिकारी म्हणून संदेश केंजळे हे कार्यरत आहेत.
या प्रकारामुळे परिसरात भीतीचे वातावरण निर्माण झाले असून, स्थानिक ग्रामस्थांनी पोलिसांनी गस्त वाढवावी, अशी मागणी केली आहे. सध्या अज्ञात आरोपीचा शोध सुरु असून, पोलिसांकडून सीसीटीव्ही फुटेज, मोबाईल लोकेशन इत्यादीच्या आधारे तपास सुरू आहे.
