🚨 फिल्मी स्टाईलने पहाटे रांजणगावात दरोडा!
चारचाकी थांबवून चाकू दाखवत सोनं-रोखीसह तीन दरोडेखोरांचा जबरी दंगल! परिसरात खळबळ**
रांजणगाव गणपती (शिरूर), 12 जुलै –
शहर झोपेत असताना रांजणगाव गणपती परिसरात पहाटेचा काळोख चिरत चक्क फिल्मी स्टाईलने दरोडा टाकण्यात आला! केवळ २० मिनिटांच्या आत तीन दरोडेखोरांनी आय-20 कार अडवून तब्बल ₹1,77,600 किमतीचं सोनं व रोख लंपास केलं. ही घटना हॉटेल गार्गी समोर सकाळी 4:20 ते 4:40 दरम्यान घडल्याने परिसरात भीतीचं वातावरण पसरलं आहे.
थरारक घटनाक्रमानुसार…
पनवेल येथील अक्षय हनुमंत बोरगे (वय 26) हे पहाटे आपल्या आय-20 कारने प्रवास करत होते. त्याच वेळी अचानक तिघा अज्ञात व्यक्तींनी त्यांच्या गाडीसमोर वाहन अडवून थेट दरवाजा उघडला आणि चाकूसदृश शस्त्र दाखवत जबरदस्तीने सोन्याचे दागिने व रोख रक्कम लुटून पळ काढला. सर्व काही केवळ काही मिनिटांत घडलं!
पोलीसांनी दाखवली तत्परता – CCTV फुटेजमधून तपास सुरू!
घटनेची माहिती मिळताच रांजणगाव पोलीस स्टेशनचे निरीक्षक एम.एस. वाघमोडे, PSI शिवाजी मुंडे, PSI अविनाश थोरात आणि स्थानिक DB पथक घटनास्थळी धावले. परिसरातील CCTV फुटेज हस्तगत करण्यात आले असून, आरोपींचा शोध युद्धपातळीवर सुरू आहे.
परिसरात दहशतीचं वातावरण!
पहाटेच्या वेळी अशा प्रकारे फिल्मी पद्धतीने लूट झाल्यामुळे रांजणगाव परिसरात घबराट पसरली आहे. नागरिकांमध्ये भीतीचं वातावरण असून, पोलिसांनी सुरक्षा वाढवली आहे.
पोलिसांचं नागरिकांना आवाहन
“कोणालाही या घटनेबाबत माहिती असल्यास तात्काळ रांजणगाव पोलीस ठाण्याशी संपर्क साधावा,” असं आवाहन पोलिसांकडून करण्यात आलं आहे.🟥
अपडेट्ससाठी आमच्या RJNEWS27MARATHI.COM शी संपर्कात राहा – आणि ही धक्कादायक बातमी शेअर करा!
