अभिष्टचिंतन सोहळ्यात अशोक बापू पवार यांच्यावर शुभेच्छांचा वर्षाव; शरदचंद्र पवारांकडून प्रवक्तेपदाची नवी जबाबदारी
– Rjnews27 मराठी – अल्लाउद्दीन अलवी
शिरूर-हवेली मतदारसंघातील विकासकामांचा आढावा; कार्यकर्त्यांमध्ये नव्या जबाबदारीमुळे उत्साहाचे वातावरण
वडगाव रासाई, ता. शिरूर | प्रतिनिधी अल्लाउद्दीन अलवी
शिरूर-हवेली मतदारसंघाचे माजी आमदार अशोक बापू पवार यांच्या अभिष्टचिंतन सोहळ्यानिमित्त वडगाव रासाई येथील शेलारवाडी निवासस्थानी विविध क्षेत्रांतील पदाधिकारी, लोकप्रतिनिधी, कार्यकर्ते, विविध संस्थांचे पदाधिकारी तसेच पंचक्रोशीतील नागरिकांनी मोठ्या संख्येने उपस्थित राहत त्यांच्यावर शुभेच्छांचा वर्षाव केला. सकाळपासूनच अशोक बापू पवार यांना शुभेच्छा देण्यासाठी समर्थकांचा ओघ सुरू होता.
या अभिष्टचिंतन सोहळ्याला विशेष राजकीय महत्त्व प्राप्त झाले असून, राष्ट्रवादी काँग्रेसचे अध्यक्ष शरदचंद्र पवार यांनी अशोक बापू पवार यांच्यावर पक्षाच्या प्रवक्तेपदाची जबाबदारी सोपविल्याची माहिती यावेळी समोर आली. वाढदिवसाच्या निमित्ताने मिळालेली ही जबाबदारी म्हणजे कार्यकर्त्यांसाठी आणि समर्थकांसाठी विशेष राजकीय भेट असल्याची भावना उपस्थितांकडून व्यक्त करण्यात आली.
अशोक बापू पवार यांना शुभेच्छा देण्यासाठी पंचक्रोशीतील सरपंच, उपसरपंच, ग्रामपंचायत सदस्य, विविध कार्यकारी सेवा सहकारी संस्थांचे चेअरमन, व्हा. चेअरमन व संचालक, बँकेचे पदाधिकारी व कर्मचारी, विविध क्षेत्रांतील मान्यवर आणि पक्षाचे पदाधिकारी मोठ्या संख्येने उपस्थित होते. अनेकांनी पुष्पगुच्छ देऊन तसेच प्रत्यक्ष भेटून पवार यांचे अभिष्टचिंतन केले.
यावेळी शिरूर-हवेली मतदारसंघातील विविध विकासकामांचा आढावा तसेच आगामी काळातील विकासाच्या दृष्टीने विविध विषयांवर चर्चा करण्यात आली. मतदारसंघातील जनसंपर्क, विकासकामे आणि संघटनात्मक बाबींवर कार्यकर्त्यांशी संवाद साधण्यात आला.
अशोक बापू पवार यांच्यावर शरदचंद्र पवार यांनी सोपविलेल्या प्रवक्तेपदाच्या नव्या जबाबदारीमुळे कार्यकर्त्यांमध्ये उत्सुकतेचे आणि उत्साहाचे वातावरण निर्माण झाले आहे. पक्षाची भूमिका प्रभावीपणे मांडण्याची महत्त्वाची जबाबदारी पवार यांच्यावर आल्याने आगामी काळात त्यांच्या राजकीय भूमिकेकडे शिरूर-हवेलीतील कार्यकर्त्यांचे लक्ष लागले आहे.
दरम्यान, माजी आमदार अशोक बापू पवार आणि जिल्हा परिषद सदस्या सुजाता भाभी पवार यांचा पंचक्रोशीतील नागरिकांशी असलेला लोकसंपर्क अभिष्टचिंतन सोहळ्याला झालेल्या मोठ्या उपस्थितीतून दिसून आला. विविध गावांमधून आलेल्या समर्थकांनी पवार दाम्पत्याला शुभेच्छा देत आगामी वाटचालीसाठी पाठिंबा व्यक्त केला.
मतदारसंघातील कामांचा आढावा मांडला
यावेळी बोलताना ज्येष्ठ नेते शंकरराव फराटे यांनी शिरूर-हवेली मतदारसंघामध्ये अशोक बापू पवार यांच्या माध्यमातून झालेल्या विविध विकासकामांचा आढावा सादर केला. पवार यांच्या नेतृत्वावर जनतेचा विश्वास असल्याचे सांगत, त्यांच्या माध्यमातून जिल्हा परिषद सदस्या सुजाता भाभी पवार, पंचायत समिती सदस्या संगीता फराटे आणि सदस्य विकास शेलार यांनाही जनतेने स्वीकारले असल्याचे त्यांनी नमूद केले.
अभिष्टचिंतन सोहळ्याच्या निमित्ताने मतदारसंघातील विविध गावांमधील कार्यकर्ते आणि पदाधिकारी एकत्र आल्याने शिरूर-हवेलीतील राजकीय वातावरणातही या कार्यक्रमाची चर्चा रंगली. नव्या प्रवक्तेपदाच्या जबाबदारीमुळे अशोक बापू पवार यांची पक्षातील भूमिका अधिक व्यापक होण्याची शक्यता असून, आगामी काळात ते पक्षाची भूमिका राज्याच्या राजकीय पटलावर प्रभावीपणे मांडताना दिसतील, अशी अपेक्षा समर्थकांकडून व्यक्त करण्यात आली.
प्रमुख उपस्थिती
यावेळी राष्ट्रवादी काँग्रेसचे तालुकाध्यक्ष विश्वास काका ढमढेरे, पंचायत समिती सदस्या संगीता किशोर फराटे, सदस्य विकास शेलार, संचालिका लतिका जगताप, पूजा भुजबळ, शिवसेनेचे जिल्हाध्यक्ष तृप्ती सरोदे, घोडगंगा साखर सहकारी कारखान्याचे चेअरमन ऋषीराज पवार, माजी संचालक रामचंद्र नागवडे, चेअरमन भरत नागवडे, संचालक संभाजी फराटे, माजी चेअरमन विलास नागवडे, माजी संचालक दत्तात्रय फराटे, माजी चेअरमन शंकरराव फराटे, संचालक शरदराव चकोर, संचालक कैलास फराटे, किशोर फराटे, माजी अध्यक्ष दिलीप नागवडे, माजी सरपंच अरुण नागवडे, संचालक रावसाहेब जगताप, वृक्षप्रेमी तुकाराम मचाले, पत्रकार अल्लाउद्दीन अलवी यांच्यासह विविध क्षेत्रांतील मान्यवर, पदाधिकारी व कार्यकर्ते मोठ्या संख्येने उपस्थित होते.
अभिष्टचिंतन सोहळ्यामुळे शेलारवाडी परिसरात दिवसभर उत्साहाचे वातावरण निर्माण झाले होते. उपस्थितांनी अशोक बापू पवार यांच्या पुढील राजकीय व सामाजिक वाटचालीस शुभेच्छा देत नव्या जबाबदारीसाठी त्यांचे अभिनंदन केले.
