“आम्हालाही एक संधी हवी… आम्हीही पत्रकार आहोत “

“आम्हालाही एक संधी हवी… आम्हीही पत्रकार आहोत!”

शब्दांच्या दुनियेत काम करणारा पत्रकार… पण काही पत्रकारांचे शब्द अजूनही दुर्लक्षित राहतात.

जग बदललं, माध्यमं बदलली, वेग वाढला… पण अजूनही दृश्यात नसलेल्यांना अदृश्य ठरवलं जातं.

हो, आम्हीही पत्रकार आहोत.
अगदी मनापासून, निष्ठेने, रात्रंदिवस एक करून समाजासाठी लिहिणारे, बोलणारे, धावणारे… पोर्टल पत्रकार.

आमचं माध्यम मोठं नाही,
आमचं नाव मोठं नाही,
पण आमचं हेतू मात्र खूप मोठा आहे –
“सत्य समाजासमोर आणण्याचा!”

जिथे पोहोचत नाही कुणीच, तिथे आम्ही पोहोचतो…

अनेक वेळा मोठ्या शहरात बसलेल्या मिडिया संस्थांना गावातलं दुःख दिसत नाही.
एखाद्या खेड्यातील शेतकऱ्याची आत्महत्या,
एखाद्या गरीब विद्यार्थ्याचं शिक्षणासाठी झगडणं,
किंवा एखाद्या दलित तरुणावर झालेलं अन्यायाचं प्रकरण —
या सर्व गोष्टी पहिल्यांदा कोण मांडतं?
आम्ही. पोर्टल पत्रकार.

पावसात भिजत, उन्हातान्हात फिरत,
कधी मोबाईलमध्ये नेटवर्क शोधत,
कधी बैलगाडीत बसून घटनास्थळी जात…
बातमीसाठी आम्ही धडपडतो — कारण आम्ही ती ‘जगण्यासाठी’ नव्हे, तर ‘जग बदलण्यासाठी’ करतो.

तरीही आम्हाला नाकारलं जातं…

“दर्जेदार” या शब्दाखाली आज केवळ ब्रँडचं नाव मानलं जातं.
मनाचा दर्जा, कामाचा दर्जा, संघर्षाचा दर्जा कोणी बघतो का?

जाहिरातीसाठी आमच्याकडे कोणी बघत नाही.
सरकारी योजना, मीडिया रजिस्ट्रेशन असूनही फक्त मोठ्या संस्थांनाच मान्यता.

आमच्याकडे ना महागडं कॅमेरा, ना स्टुडिओ,
पण आमच्याकडे आहे डोळ्यांतून वाहणारा आत्मविश्वास आणि काळजातून वाहणारी जबाबदारी.

एक व्हिडीओ, एक लेख… पण किती गोष्टी मागे राहतात

एका व्हिडीओ मागे कितीतरी वेळ, मेहनत, विचार, खर्च…
जेव्हा तो व्हिडीओ लोक शेअर करतात,
तेव्हा वाटतं, “आपलं काहीतरी पोहोचतंय…”

पण दुसऱ्या दिवशी तेच मुद्दे एखाद्या मोठ्या पेपरमध्ये येतात…
आणि आमचं नाव कुठेच राहत नाही.

आमचं काम कोणत्याही मोबदल्याशिवाय चालतं,
फक्त एकच अपेक्षा असते — “कोणी तरी आपलं ऐकावं…”

आजची वेदना… आणि उद्याची आशा

आज आमच्या वाट्याला येतो तो अंधार, अवहेलना आणि दुर्लक्ष.
पण आम्हाला माहितीय — एक दिवस तो प्रकाश फोडणारा शब्द आपल्यातूनच जन्माला येईल.

“जाहिरात मिळो ना मिळो, पण न्याय तरी मिळावा!”
“सन्मान मिळो ना मिळो, पण ओळख तरी मिळावी!”

शेवटी…

आम्ही पत्रकार आहोत…
पण आम्ही ‘बातमी’ म्हणून जगत नाही,
आम्ही ‘बातमी’ घडवतो — ती खरी, स्पष्ट आणि लोकांसाठी.

फक्त एवढंच म्हणायचं आहे —
“सन्मान हा ब्रँडवर नाही, कामावर ठरतो.”
आणि आम्हालाही तो सन्मान हवा आहे…
एक संधी हवी आहे…

आम्हीहीपत्रकार #पोर्टलचीपुकार #RJNEWS27MARATHI पत्रकारितेचा_खरा_आवाज